Gizon bat atxilo hartu dute andre bati eraso diolakoan

SESTAO. Ertzaintzak 25 urteko gizon bat atxilotu zuen herenegun Sestaon (Bizkaia), andre bati sexu eraso bat egin ziolakoan. Iragan urteko azaroan jarri zuen salaketa andreak; adierazi zuen kalean jarraitu ziola gizon batek eta harrapatu zuenean ukituak egin zizkiola eta felazio bat egitera behartu nahi izan zuela. Harrapatu aurretik deitzeko modua izan zuen emakumeak, eta ama joan zitzaion. Ihes egin zuen erasotzaileak.