Sakelako telefonoak lapurtzen ari zela harrapatu zuen atzo Ertzaintzak 40 urteko gizon bat. Bulego batera sartu zen, leihotik, fatxadatik eskalatuta. Eusko Jaurlaritzako Segurtasun Sailak adierazi duenez, atzo eguerdian atzeman zuten gizona Andoainen (Gipuzkoa), bertako enpresa batean lapurretan ari zirelako oharra jaso ostean.
Ertzaintza bertaratu zenean, bi mahairen artean aurkitu zuten gizona, tiraderak irekita eta sakelako hainbat telefono hartuta. Ertzaintzak jakinarazi duenez, Tolosako Guardiako Epaitegiaren esku utzi dute goizean. Lehenik hogei aldiz baino gehiago atxilotu izan dute.
