38 urteko gizon bat atxilotu dute Bilbon, urruntze agindua hautsi eta bikotekide ohiari eraso egiteagatik. Segurtasun Sailak jakinarazi duenez, urruntze agindua hautsiz, gizona bere giltzekin sartu zen emakumearen etxean, eta ondoren bortxaz bota zuen emakumea zegoen gelako atea: emakumea astindu eta mehatxatu egin zuen gizonak. Atea bere lekutik atera eta kisketa ostikada batez hautsi zuen.
Etxebizitzaren inguruan aurkitu zuten ertzainek gizona, eta atxilotu egin zuten, agindu judiziala hausteagatik eta genero indarkeriagatik.
