Gizon bat atxilotu dute emaztea jotzea egotzita

BILBO. Ertzainek 54 urteko gizonezko bat atxilotu zuten atzo Santurtzin (Bizkaia), bikotekidea jotzea leporatuta. Bikotekideak berak eman zuen erasoaren abisua; gizona irainka eta mehatxuka aritu zitzaiola azaldu zuen eta buruan min eman ziola. Hainbat zauri zituela ikusi zuten ertzainek, eta berehala atxilotu egin zuten ustezko erasotzailea.