Gizon bat atxilotu dute Santurtzin, emazteari eta aitaginarrebari eraso egitea egotzita

Eusko Jaurlaritzako Herrizango Sailak jakitera eman duenez, Santurtziko (Bizkaia) Udaltzaingoak gizonezko bat atxilotu du bart, 58 urteko emazteari eraso egin diolakoan. Bikotekidearen etxebizitzan izan da erasoa. Emakumeak eraikin berean bizi diren gurasoen etxera ihes egitea lortu du, baina ustezko erasotzailea haren atzetik joan eta emaztearen aitari, 85 urteko gizonari eraso egin dio.

Une horretan udaltzainak iritsi dira etxebizitzara, lekuko batek abisu eman ostean. Ustezko erasotzailea geldiarazi dute, Ertzaintzaren patruila baten laguntzarekin. Gertaeren lekuan tamaina txikiko aizkora bat eta sukaldeko aizto bat jaso dituzte agenteek, biak ala biak odolez zikinduak.

Emakumea eta haren aita anbulantzian Gurutzetako ospitalera eraman dituzte. Buruan eta besoan zauriak ditu emakumeak, eta odola zerion haietatik. Haren aitak, berriz, kolpeak ditu aurpoegian eta litekeena da sudur-hezurra hautsita izatea. ustezko erasotzailea ere artatu dute, sorbaldan zauria zuela-eta.