Getxoko Udaltzaingoak 30 urteko gizonezko bat atxilotu du, genero indarkeria dela-eta neska-lagun ohiarekiko daukan urruntze agindua hautsi duelakoan. Aste honetan bi egunetan atzeman dute, udalak gaur esan duenez.
Bart atxilotu du bigarren aldiz, Itzubaltzetako etxe batzuen azpian zela. Udaltzainek, emakume haren etxeko txirrina jotzen ikusi, eta atxilotu egin dute. Poliziek bazekiten genero indarkeriaren biktima dela emakumea.
Izan ere, gizonezkoa asteartean ere atzeman zuten, Algortan, neska-lagun ohia jo zuela egotzita. Udaltzainek biktima osasun zentro batera eraman zuten, kolpe batzuekin.
Atxilotua —V.A.J.S.— epailearen aurrera eraman zuten atzo, eta aske geratu ostean, emakumearen etxe azpira joan zen, urruntze agindua eduki arren.
