Bart gauean gizon bat hil da Azagran (Nafarroa), sute batean. Foruzaingoak jakinarazi duenez, 02:00etan piztu da sua, haren etxean, ohean, eta horren ondorioz 60 urte inguruko gizona zendu da. Gaur goizeko lehen orduan oraindik identifikatu gabe zuten; gorpua autopsia egitera eraman dute Iruñera.
Molino auzoan izan da ezbeharra, etxe batzuetako behealdean. Goiko bi solairuetan hildakoen senideak bizi dira —senar-emazteak eta horien bi haur—, eta eraikinetik atera behar izan dituzte. Ez dute kalterik jasan, eta eraikinean hildakoaren logela baino ez da kaltetu.
Foruzaingoa ari da gertatutakoa ikertzen. Hark esan duenez, sua bere kasara piztu da.
