Kalean izotza sortu, eta irristatu egin da 79 urteko gizonezkoa Erron (Nafarroa). Lurrera erori, eta buruan hartu du kolpea, Nafarroako Gobernuak jakinarazi duenez.
09:10 aldera abisu eman diete SOS Deiei ezbeharraz, eta bertara joan dira larrialdi zerbitzuak. Gizona suspertzen saiatu dira, baina hil egin da.
Iruñeko Auzitegi Medikuntzako Insitutura eraman dute gorpua, autopsia egin diezaioten.
