62 urte ditu hildakoak, eta 93 haren aitak. Eusko Jaurlaritzako Segurtasun Sailak jakinarazi duenez, goizaldeko hirurak aldera sute bat piztu da Gaubean (Araba), aita-semeak bizi ziren etxean. Bertara joan dira suhiltzaileak eta Ertzaintza, eta zaurituta topatu dituzte biak. Kea arnastutearen eta erreduren eraginez, hil egin da 62 urtekoa; aita, berriz, Txagorritxuko erietxera eraman dute.
Sutea zer dela-eta piztu den ikertzen ari da Ertzaintza.
