Goizaldeko lauretan jaso du Ertzaintzak abisu bat, ohartaraziz gazte bat sastakatu dutela Juan Kalzada kalean, Gernikan. Eusko Jaurlaritzako Segurtasun Sailak jakinarazi duenez, ertzain eta larrialdi zerbitzuak harengana joan direnean larri zen biktima, eta ordu erdi geroago hil da.
Gertatutakoa ikertzen hasi dira poliziak, eta goizeko seiak aldera bi pertsona atxilotu dituzte, erasoarekin zerikusia izan dezaketelakoan. 28 eta 34 urte dituzte ustezko erasotzaileek.
