Gizon bat hil da trenak harrapatuta

ORTUELLA. Ortuellan (Bizkaia) gizon bat hil zen atzo aldirietako tren batek harrapatuta. 16:00ak aldera gertatu zen istripua, tren geltokiaren alboan. Eusko Jaurlaritzako Herrizaingo Sailaren arabera, trenak azpian harrapatu zuen gizona, eta ezin izan zuten onik atera. Larrialdi zerbitzuek ere ezin izan zuten ezer egin. Trenbidea ordu eta erdi itxita egon zen Ortuella eta Trapagaran artean.