Gizonezko bat hil da gaur arratsaldean Zumaian, surflari batzuek itsasotik erreskatatu ostean, Eusko Jaurlaritzako Herrizaingo Sailak esan duenez.
Santiago hondartzako uretan zela, korronteak itsaso barrura eraman du 15:15ak aldera, emakume batekin batera, eta surflariek atera dituzte biak. Hondartzan zela, ordea, bihotzekoa izan du gizonezkoak eta, larrialdi zerbitzuek hantxe artatu duten arren, zendu egin da. Emakumea onik dago.
Azpeitiar bat da hildakoa, 52 urtekoa.
