Gizon bat hilik aurkitu dute Zaldibiako erreka batean

ZALDIBIA. Gizonezko baten gorpua Amundarain errekatik atera dute larrialdietako salbamendu taldeek, Zaldibian (Gipuzkoa). Herrigunearen parean agertu da gorpua. Herritarrek abisua eman, eta 13:45 aldera atera dute hilotza errekatik. Sendagileak heriotza ziurtatu besterik ez du egin, eta Ertzaintzak ez du heriotzaren edo hildakoaren inguruko argibide gehiagorik eman.