Herrizaingo sailak jakinarazi duenez, gizon baten gorpua aurkitu dute Donostian. Ur hoditeria baten alboan aurkitu dute, GI-20 errepidetik ospitale eremura doan bidean. Suhiltzaileen esanetan, 40 urte inguru ditu, eta haren desagerpena salatuta zegoen. Dirudienez, usteltzen hasita zegoen jada gorpua.
Bizikletan zebiltzan gaztetxo batzuek aurkitu omen dute gizonezkoaren gorpua, gaur eguerdian. Auzitegiko medikuaren eskuetan utzi dute, autopsia egiteko. Oraindik ez dakite zein den heriotzaren zergatia, ez eta hildakoa nor den ere. Ikerketa lanetan ari dira.
