Ostegun goizean gizon baten hilotza aurkitu dute Iruñerriko zaborra biltzeko kamioi batean. Orkoiengo (Nafarroa) lantegi bateko langileek aurkitu dute, birziklatzeko euren enpresara papera eta kartoia zeramatzan kamioi batean. Oraindik ez dakite nor den hildakoa.
Enpresak ostegunean 15:00ak aldera jakinarazi die larrialdi zerbitzuei hilotz bat aurkitu dutela. Gorpua Auzitegi Medikuntzako Nafarroako Institutura eraman dute, autopsia egin diezaioten. Nafarroako Foruzaingoak ikertuko du zer gertatu den.
