Ertzainek 27 urteko gizonezko bat atxilotu zuten atzo eguerdian Bilbon, lesio delitu bat egin izana egotzita. Eusko Jaurlaritzako Barne Sailak gaur jakinarazi duenez, gizonezkoa osasun-langile bat jotzeaz akusatu dute; antza, ondoezik egon ostean bera artatzen ari zen erizainari eraso egin zion.
Gertakaria atzo eguerdian jazo zen, 12:30etan, baztertutako pertsonei laguntzeko Bilboko zentro batean. Antza denez, gizonezkoa ondoezik zegoen eta zentrotik anbulantzia bat eskatu zuten. Osasun-langile bat gaixoa artatzen ari zela, gizonezkoa bat-batean altxatu zen, eta, hitzik esan gabe, indarkeriaz lepotik oratu eta eraso egin zion erizainari, arropak zarrastatuta.
Borroka baten ostean, eta lankide baten laguntzarekin, osasun-langileak askatzea lortu zuen, eta zentroko langile batek ertzainei hots egin zien. Patruila bat bertaratu, eta gizona atxilotu zuen, lesio delitu bat leporatuta.
Erasoa
Gizonezko bat atxilotu dute Bilbon, erizain bat jotzeaz akusatuta
Iruzkinak
Ez dago iruzkinik
Ordenatu
