Eusko Jaurlaritzako Herrizaingo sailak jakinarazi duenez, Ertzaintzak 24 urteko gazte bat atxilotu du gaur ustez bikotekide ohia jotzeagatik. Goizeko 05:45ean deitu dio emakumezkoak Ertzaintzari, bikotekide ohiak jo egin duela salatzeko. Ertzaintza emakumea zegoen lekura joan eta aurpegian ubeldurak eta eskuetan kolpea zuela ikusi du.
Ustezko erasotzailea autobus geltokitik gertu aurkitu dute, eta atxilotu egin dute. Gainera, lehenagotik ere gizonezko hori bilatu eta atxilotzeko agindua zuen Ertzaintzak. Emakumezkoa ospitalera eraman dute.
