Gizonezko bat atxilotu dute Gasteizen, bikotekidea jo duelakoan

Ertzaintzak 57 urteko gizonezko bat (FJ.D.) atxilotu zuen atzo Gasteizen, ustez bikotekidea jo egin zuelako.

Urruntze eta atxilotzeko agindua zituen gizonezkoak.

Arana kalean izan zen ustezko erasoa, gauez. Abisu bat jaso ostean ertzainak hara heldu zirenean, gizonezkoak emakumea lepotik helduta zuela ikusi zuten, eta biak elkarri bultzaka ari zirela.

Gasteizen bertan, beste bi kasu. Batetik, Herran kalean, Ertzaintzak senar-emaztea atxilotu zituen atzo, ustez elkar jo zutelako. Gizonezkoak aurrez emakumeen kontrako indarkeriagatik atxilotzeko agindua zeukan. Haren emazteak ertzainei adierazi zien egoera jasaezina zitzaiola, eta senarrari eraso egitea erabaki zuela; guraizeekin erasotu zuen.

Bestetik, 47 urteko gizonezko bat inputatu dute, emazteari tratu txar psikologikoak eragiteagatik.