Espainiako Poliziak gizonezko bat atxilotu du Portboun (Katalunia), ETAko kide delakoan. Polizia iturriek azaldu dutenez, Faustino Marcos da atxilotua eta trenean atzeman dute, Montpellierdik (Frantzia) abiatutako trenean. Iturri berberek diote agiri faltsuak zeramatzala, eta baita pistola bat ere. Material informatikoa ere atzeman diote: besteak beste, ordenagailu eramangarri bat, bi disko gogor eta bost pen-drive.
Portboungo alkateak adierazi du trena martxan zela atxilotu dutela, susmo txarrak hartuta. Efe albiste agentziak zabaldu duenez, dagoeneko Madrilera eramana dute Marcos.
Poliziaren arabera, 2002tik ihes eginda zegoen Marcos. ETAren Zelatun komandoa desegin zuen urte hartan Poliziak. Nolanahi ere, agentziek berri eman dute Espainiako Justiziarekin zorrik ez duela Marcosek.
Atxiloketa
Gizonezko bat atxilotu dute Katalunian, etakide delakoan
Polizia iturrien arabera, Faustino Marcos da atxilotua, eta Montpellierdik Kataluniara zihoan trenean atzeman dute, Portboun. Madrilera eraman dute dagoeneko.
Iruzkinak
Ez dago iruzkinik
Ordenatu
