Ertzaintzak 37 urteko gizon bat atxilotu du Bilboko San Frantzisko auzoan, bikotekidea eskaileretatik behera botatzea leporatuta. Erasoa goizeko 8ak aldera gertatu da. Ustez, eztabaida bat izan ostean eraso dio emakumeari.
Emakumeak berak abisatu dio Ertzaintzari. Biktimak ez zeukan zauri nabarmenik, baina erietxera eraman dute osasun azterketa egitera. Jarraian, ustezko erasotzailea atzeman dute eta epailearen esku utzi.
