Gizonezko bat hil da auto istripuz Iruñean

Errepide istripu larria gertatu da goizeko lehen orduan Iruñean, Arostegi etorbideak eta Unibertsitateetako errepideak bat egiten duten bidegurutzean: Opel Vectra batek Audi 4 bat jo du ezkerreko aldetik (gidariaren aldetik), eta, ondorioz, Audi 4ko gidaria, 54 urteko P.G.L. Barañaingo (Nafarroa) bizilaguna, hil egin da.

P.G.L.rekin batera emakumezko bat zihoan autoan, eta zaurituta eraman dute Iruñeko erietxe batera. Opel Vectraren gidaria ere zaurituta eraman dute erietxe batera. A.Q.J. 47 urteko emakumea da.