Lur batzuk mantentzeko lanean ari zela traktorearekin istripua izanda hil da gizonezko bat Zamudion (Bizkaia). Herrizaingo Sailak jakinarazi duenez, 10:25ean gertatu da istripua.
Adar batzuk arrastaka eramaten ari zen gizonezkoa, Ertzaintzak berri eman duenez. Karga kontrolatzeko ibilgailutik jaitsi ei da, eta ezagutzen ez diren arrazoiengatik traktoreak azpian harrapatu du. Suhiltzaileek eta larrialdietako zerbitzuek ezin izan dute bizirik atera handik.
