Gizonezko baten hilotza aurkitu dute itsasoan, Galea lurmuturreko inguruetan

GETXO. Larrialdi zerbitzuek atzo arratsaldean jakinarazi zuten gizonezko bat hilotz aurkitu zutela Galea lurmuturreko inguruetan, Getxon, Bizkaiko kostan. Belaontzi batean zihoazenek eman zuten aurkikuntzaren berri, eta berehala itsas salbamenduko taldeek, Gurutze Gorriak eta ertzainek operazio bat ipini zuten martxan hilotza lehorrera eramateko. Santurtziko portura eraman zuten.