Gobernuak lege aldaketak sustatuko ditu "Batasuna ingurukoei gero eta zailago jartzeko bozetara aurkeztea"

Candido Conde Pumpido Espainiako fiskal nagusiak gaur eguerdian jakinarazi du legedian aldaketak egingo dituztela "Batasuna ingurukoei gero eta zailago jartzeko hauteskundeetara aurkeztea". Haren arabera, Espainiako Gobernua "ahal den guztia" ari da egiten helburu hori erdiesteko. Espainiako berri agentziek arratsean zabaldu dutenez, bihar bertan onar dezake legea.

Kazetariek Jaime Mayor Oreja PPko europarlamentariak esandakoari buruz galdetu diotenean egin du adierazpen hori fiskal nagusiak, Madrilen. Mayor Oreja Espainiako Barne ministro ohiaren arabera, "gatazkaren konponbide prozesuko bigarren zatia" da gertatzen ari dena, eta "bi data esanguratsu daude: [2011ko] udal eta foru hauteskundeak eta orokorrak. ETA udaletxeetan eta beste euskal erakundeetan egoteko ahalegina egiten ari dira, eta ETAk gero mesedea itzuli egingo lioke Zapaterori, honek irabazteko boz orokorrak". Atzo berretsi egin zituen adierazpenok, "ekintzak eta jarrerak baitaude, eta ezker abertzalearen agiriek egiaztatzen dute hori dena".

Conde Pumpido fiskalak ez ditu gaitzetsi PPko kidearen jokabidea. "Guk erremu politikoan gertatzen dena errespetatu egiten dut. Kritika politikoa herritarrek egin beharko dute, ez Justiziak".