ELA, LAB, CCOO, UGT, ESK eta USO sindikatuetako ordezkariek euren babesa adierazi diete gaur, Beasainen (Gipuzkoa), ekainaren 5ean Goierrin, Debagoienean, Azpeitian, Aramaion eta Ispasterren egingo diren herri galdeketei. Bideoa: Agerraldia Beasainen (Andoni Canellada, Argazki Press).
[youtube]https://youtu.be/UWm01q67P48[/youtube]
Goierriko enpresa nagusietako langile batzordeen ordezkaritza bildu da Igartza jauregian: Olaberriko Arcelor, Zumarragako Arcelor, CAF, Kutxabank, Estanda, Indar, Baminar, GH, Ikaslan, UZ, CIE, Bellota, GHN, BST Rods, Idiazabalgo Jaso, Itsasondoko Jaso, Prodema, Aluminox, Tuermeka eta Ordiziako Udala, besteak beste. "Kontsulta egitea eta erabakia hartzea erantzukizun (ahalduntze) ariketa bat da, gu kolektibo gisa indartzeko eta irmotzeko modu bat, menpekotasunaren kate guztiak hautsi nahi ditugula esateko modu bat, gure erabakien jabe izan nahi dugula gure bizitzako arlo guztietan: familian, lanean, herrietan, auzoetan nahiz estatuetan. Horrela erabakitzeko eskubidea erabat uztartzen baita gure egunerokoan, langileon lanpostuen defentsan eta bermean", nabarmendu dute, jendaurrean irakurritako manifestuan.
