Hainbat delitu egin dituela uste dute: besteak beste, influentzia trafikoa, prebarikazioa, dokumentuen zaintzarako fideltasunik eza eta debekatutako negoziazioak. Auzia "sakon" ikertu behar dela deritzo Kontuz-ek, Nafarroako Ogasunaren sinesgarritasuna urratzen duelako.
Gogora ekarri du tartean direla botere faktikoak ere: Volkswagen, Opus Deiren unibertsitatea eta Nafarroako Kutxa. Zantzu berririk egonez gero, ez du baztertzen Yolanda Barcinaren aurka jotzea ere, Nievesek salatutako auzi batzuetan izan duen zerikusiagatik.
Protestak
Nievesen ausardia txalotu du elkarteak, eta herritarren mobilizazioaren garrantzia nabarmendu. Hain zuzen, protestek ez zuten etenik izan atzo Iruñean. Arratsaldean, Nafarroako Parlamentuaren aurrean elkartu ziren herritarrak, eta 250 lagun izan ziren iluntzean UPNren egoitza aurrean, Ustelak kanpora, hauteskundeak orain lelopean.
