Espainiako Auzitegi Goreneko 61eko aretoko hamasei epaileek atzera bota dute Sortu alderdiak bere erregistroaren aurkako erabakiari buruz aurkeztu zuen baliogabetasun helegitea. Tramitera onartzeko eskatzen zuen Sortuk —hilaren 7an aurkeztu zuen helegitea—, Gorenak alderdi politikoak sortzeko eskubidea urratu zuelakoan.
Sorturen erregistroaren kontrako erabakia martxoaren 23an hartu zuen Gorenak. Bederatzi epailek babestu zuten neurri hori, eta zazpi alderdia erregistratzearen alde agertu ziren. Gaur aho batez hartu dute erabakia.
Erregistrorako bidean, Sorturen hurrengo pausoa Espainiako Auzitegi Konstituzionalera jotzea litzateke, babes helegitea aurkeztuta.
