Fernando Grande Marlaska Espainiko Auzitegi Nazionalaren epaileak Arkaitz Otazua etakidearen omenaldiko auzia martxoaren 23an itxi egin bazuen ere -fiskalak eskatu zion ixtea, "frogarik ez" zegoelako-, auzia berriro irekitzea erabaki du. Arnaldo Otegi inputatuta dago, baita ezker abertzalearen beste 22 kide ere.
Fiskaltzak eta defentsaren abokatuak kasua ez zabaltzeko eskatua zuten, baina haien helegiteak ez ditu aintzat hartu Grande Marlaskak. Otegik omenaldian egindako hitzaldia hartu du oinarri horretarako, "terrorismoa goratu" zuelakoan. Fiskalaren ustez, "zalantzak" daude epailearen "partzialtasunaz".
Otazua 2003ko irailaren 20an hi zen Herrera gainean (Araba), ertzainekin izandako tiroketan. Handik sei egunera omenaldia egin zioten.
Otegi bera joan den ekainaren 8tik kartzelan daukate, Jose Miguel Beñaran Argala etakidearen urteroko omenaldiko hitzaldian "terrorismoa goratu" zuela leporatuta. 15 hilabete zigorra jarri zion Auzitegi Gorenak.
Epaitegiak
Grande Marlaskak Otazuaren omenaldiko auzia berriro ireki du
Arnaldo Otegi ez ezik, ezker abertzalearen beste 22 kide daude inputatuta, "terrorismoa goratu" zutelakoan.
Iruzkinak
Ez dago iruzkinik
Ordenatu
