GRIPEAREN AURKAKO KANPAINA, ABIAN

Nafarroako Gobernuak martxan jarri du gripearen aurkako kanpaina, eta gaixotasun horri aurrea hartzeko txertoa jartzen hasi dira herrialde horretako osasun etxeetan. Azaroaren 30a bitarte iraunen du kanpainak. Denera, 120.000 dosi eskuratu ditu Nafarroako Gobernuak. Kanpainaren helburua da txertoa jartzea 60 urtetik goitiko pertsonei, gaixotasun kronikoak dituztenei, biriketako eritasunak dituztenei, eta haurdun diren emakumeei, bertzeak bertze.