Leitzan (Nafarroa) UPNk bilera gela gisa erabiltzen duen lokal batek su hartu zuen atzo, ustez nahita eraginda, eta Guardia Zibilak atzo bertan gizonezko bat -J.M.Z.A.- atxilotu du han, gertaera horrekin zerikusia duelakoan. Guardia zibilen arabera, atxilotuak "osasun arazoak eta arazo sozialak" dauzka, eta "ez du loturarik ezker abertzalearekin".
Espainiako Gobernuak Nafarroan daukan Ordezkaritzak esan duenez, atzo gaueko hamarrak aldera su hartzeko likidoa bota zuten lokalera -Larrea elkarte gastronomikora-, eta su eman zioten paper batekin. San Miguel kalean dago aipatutako egoitza, eta atarian kalteak sortu ziren sutearen ondorioz.
Une hartan lagun talde bat zegoen barruan, afaltzen. Suteagatik kalera irten zutenean, gizonezko bat ikusi zuten. Guardia Zibilak zeuden han inguruan, eta hauek gizonezko hura identifikatu eta atzeman egin zuten.
Atxiloketa
Guardia Zibilak gizonezko bat atxilotu du Leitzan, UPNk erabiltzen duen lokal bati su eman diolakoan
Polizien arabera, atxilotuak "osasun arazoak eta arazo sozialak" dauzka, eta "ez du loturarik ezker abertzalearekin". Larrea elkarte gastronomikoaren atarian gertatu zen sutea.
Iruzkinak
Ez dago iruzkinik
Ordenatu
