Gure Irratiak dirua batzen jarraitzen du

Uztaritzeko Udalak utzitako lokala prestatu eta astelehenean berriz ere emititzen hasteko dirua behar du Gure Irratiak. Horregatik, atzo abiatutako kanpainak aurrera jarraitzen du.

Durangoko Azokan tokia egin dio Gerediaga Elkarteak Gure Irratiari, eta han diru bilketa egiten ari dira. Durangora joaten ez denak ere izango du ordea laguntza emateko aukera. Txekeak bidaltzeko Gure Irratia. Posta Kutxa 6. 64480 Uztaritze helbidea jarri dute, eta Euskadiko Kutxan kontu korrontea ere ireki dute: 3035 00 5987 0590 05 2623. Kontakturako: [email protected] , edo (0033) 616 23 72 24.

Herenegun erre zitzaien Gure Irratikoei duela hilabete inauguratu zuten egoitza. Aseguru etxeek kalteak zehaztu eta egoitza hori berriz ere martxan jarri bitartean lokal bat utzi die Uztaritzeko Udalak, eta hura egokitzeko dirua batzen ari dira.