Gurutzetan langileak falta dira, ELA sindikatuak salatu duenez

BARAKALDO. Langileen kontratazioekin arazoak izaten ari dira Gurutzetako ospitalean (Barakaldo, Bizkaia), ELA sindikatuak jakinarazi duenez. Haren esanetan, «kaotikoa eta oso kezkagarria» da lan txanda batzuetako egoera. Salatu du etengabe aurreztea duela buruan zuzendaritzak eta beharrezko kontratazioak ere ez dituela egiten. Aldi berean obretan dirua gastatzen aritzea ulergaitza dela adierazi du ELAk.