Martxoaren 22an Bruselan izan ziren atentuekin lotura dutelakoan, gutxienez bi lagun atxilotu dituzte gaur, Belgikako hiriburuan. Fiskatzak atxiloketen inguruan oharra kaleratu du, baina xehetasun gutxi eman du. Atentatuekin lotutako atxiloketak egin dituztela jakinarazi du, baina ez du zehaztu zenbat lagun diren atxilotuak, eta ezta nor diren ere.
Berri agentzien arabera, bi dira atxilotuak, eta komunikabideak zabaltzen ari direnez, haien artean egon daiteke Mohamed Abrini. Azken hori atxilotzeko ahaleginean ari zen Polizia, Parisko atentatuak izan zirenetik. Salah Abdeslamekin ikusi zuten Abrini Frantziako gasolinera batean, Parisko atentatuak baino egun batzuk lehenago. Abdeslam Parisko atentatuetako susmagarri nagusia da.
