Turkiako kostatik gertu Siriatik zetozen iheslarien ontzi bat hondoratu egin da. Gutxienik, hamahiru lagun hil egin dira; haietako sei adingabeak ziren. Gainera, beste hamahiru galduta daude. Guztira 46 iheslari zihoazen; Greziako Lesbosera iritsi nahi zuten.
Hain zuzen, Greziako kostazainek hogei lagun erreskatatzea lortu dute Lesbosko kostatik gertu hondoratu den ontzi pneumatiko batetik. Haiekin batera zihoazen beste 26 iheslari, berriz, itsasoan galdu dira. Atzo, 5 urteko haur bat hil zen toki berean beste ontzi bat hondoratu ostean. Italian, berriz, 4.000 iheslaritik gora erreskatatu zituzten.
