Uda aurreko azken bilera egin du gaur goizean Memoria eta Bizikidetza lantaldeak Eusko Legebiltzarrean, eta bertan erabaki dute irailetik aurrera hainbat biktimak agerraldia egitea. ETAren eta bestelako giza eskubideen urraketen hamabi biktimak egingo dute agerraldia lantaldean. Biktima horiek zeintzuk izango diren erabaki dute EAJk, EH Bilduk, Elkarrekin Podemosek eta PSEk, baina ez dituzte izenak jakinarazi, haien baieztapena jaso nahi dutelako lehenbizi. Irailaren 18an batzartuko da berriro Memoria lantaldea, eta orduan hasiko dira biktimen agerraldiak. Asmoa da iraila eta urrian artean egitea agerraldi horiek.
Biktimen alorra jorratu ostean, bestelako gaiei helduko die lantaldeak: memoria, espetxe politika eta bizikidetza, eta giza eskubideak, hurrenez hurren, eta arlo batzuk eta besteak "gainezarri gabe". Legebiltzarrean ordezkatuta dauden alderdi guztiek, PPk izan ezik, parte hartzen dute lantaldean.
