Hamaika urteko haur batek bere buruaz bertze egin du Baionan, gurasoen etxean. Berria gaur jakinarazi du Paueko Akademia Ikuskaritzak, baina joan den asteazkenean gertatu zen.
Akademiak ez du argitu zein izan diren gaztea bere buruaz bertze egitera bultzatu duten arrazoiak. Jakinarazi du soka batetik zintzilikatu zuela bere burua eta, depresioarengatik, tratamendu psikiatrikoan zegoela. Akademiak psikologo talde bat igorri du gaur goizean gaztearen ikastetxera.
