Atzo amaitu zituzten San Marko zabortegia estaltzeko lanak, eta horrela, erabat itxita dago jada Errenteriako hondakindegia (Gipuzkoa). Hamar hilabete eta 3.713.716 euroko aurrekontua erabili dute, eta 8.100 eta 19.500 metro karratuko bi partzela itxi. Denis Itxaso mankomunitateko lehendakariak ixtea zoriondu zuen: "Urte askotan inguruak jasan dituen inpaktu bisualak eta usainak desagertu egin dira".
Itxasoren hitzetan, zabortegiak itxi egin behar dira, eta Zestoan Gipuzkoako Foru Aldundiak hondakindegi bat zabaltzeko asmoa kritikatu du: "Berrogei urtean baino gehiagoan jasan dituen ondorioak jasango ditu berriz Gipuzkoak".
