Al Kaedak Islamaren mundu osoko jarraitzaileei Hamas Palestinako mugimendu islamista armekin eta diruarekin laguntzeko eskatu die, Interneten jarritako bideo baten bidez. Aiman Al Zauaheri Al Kaedako 'bigarrenak' eman du mezua, eta herrialde batzuk Hamasen kontrako erasoa prestatzen ari direla salatu du; Saudiar Arabia eta Egipto leudeke herrialde horien artean, Al Zauaheriren arabera.
Hamasi Gazan (Palestina) Islamaren legea ezartzeko eskatu dio Al Kaedako buruzagiak, "garrantzitsuena ez baita boterera iristea [Gaza kontrolpean dauka Hamasek], baizik eta Jainkoaren hitza ezartzea".
Hamasek aurten Al Fatarekin Palestinako batasun gobernua osatu zuenean, Al Kaedak kritikatu egin zuen.
Gaur Ehud Olmert Israelgo lehen ministroak, Hosni Mubarak Egiptoko presidenteak, Abdala II.a Jordaniako erregeak, eta Mahmud Abbas Palestinako Aginte Nazionaleko presidente eta Al Fatako buruzagiak bilera egingo dute, Egipton.
Hamas armekin eta diruarekin laguntzeko eskatu die Al Kaedak Islamaren jarraitzaileei
Aiman Al Zauaheri 'bigarren' buruzagiak eman du mezua, Interneten jarritako bideo baten bidez. Herrialde batzuk Hamasen aurkako erasoa prestatzen ari direla salatu du.
Iruzkinak
Ez dago iruzkinik
Ordenatu
