Astigarragako Petritegi sagardotegian bildu dira aurten ere sagardoaren txotx garaiari hasiera emateko. La Oreja de Van Gogh taldeko kideek “gure sagardo berria” esan eta gero, zabalik geratu dira upelak. Taldeko kideak pozik agertu dira ohore hori haien esku uzteagatik, eta ohitura onak mantendu egin behar direla azpimarratu du Leire Martinez taldeko abeslariak.
Aurtengo uzta uste baino hobea atera dela azaldu dute ekoizleek, iaz eguraldi gorabeheratsua izan zen arren. Txinparta fin eta iraunkorreko sagardoa izango da aurtengoa.
