HASI DIRA AUTO ILARAK

Oporretarako bidean —beste hainbat etxera bueltan izango dira— automobil ugari ibiliko dira datozen egun hauetan errepidean; atzo arratsaldean, esaterako, bai Burgoserako (Espainia) norabidean eta baita Gipuzkoa eta Lapurdi arteko bidean ere auto ilara luzeak sortu ziren hainbat unetan. Argazkian, adibidez, Zarautzen (Gipuzkoa), A-8 autobideko ordainlekuan ilunabarrean sortutako ilarak ikus daitezke. Nafarroan, Foruzainek egun hauetan propio abiadura kontrolatzeko kanpaina bat jarriko dute martxan. 108 patruila ibiliko dira lanean.