Hona hemen, aurrerapen moduan, Lurdes Auzmendiren esan batzuk:
- "Hasieratik hizkuntza politika oso zaindua izan da gobernu honetan [Jaurlaritzan]. Mozketak egin behar izan ditugu, tamalez, denok bezala, baina ez dira izan hain handiak".
- "Erorketa handia bada euskaltegietan, eragina gutxitzeko lan egitera konprometitu naiz".
- "Hizkuntz politika edonorentzat izugarrizko erantzukizuna da. Kasu guztietan ez gaude denok ados, baina, oro har, adostasun handiarekin ari gara. Datorrena datorrela, espero dut metatzen jarraitzeko borondatearekin etortzea".
- "Euskalgintzarekin oso harreman erosoak izan ditut. Gorabeherak izan dira, noski, baina ateak beti zabalik izan dituzte".
