Gaur goizean, 1977an jaio zen haur baten gorpua hilobitik atera dute Donostiako Polloe hilerrian, amak salatu duen moduan alaba lapurtu ote zioten argitzeko. Goizeko zortzi eta erdietan ziren gorpuzkinak ateratzekoak, eta horren ostean DNA probak egingo dizkiote, hilobiratutakoa alaba duen argitzeko.
Noticias de Gipuzkoa egunkariak gaur jakinarazi duenez, amak iazko apirilean jarri zuen salaketa, eta epaileak gorpuzkinak aztertzeko nahiko oinarri badagoela argudiatuta eman du ateratzeko agindua. Amak salatu zuen erditzea irregulartasunez betea egon zela eta beti izan duela alaba lapurtu ziotelako susmoa.
