Haur pornografia zabaltzea leporatuta, gizon bat atxilotu du Guardia Zibilak Bilbon eta beste bat Donostian. Atxilotuek 49 eta 56 urte dituzte, eta, besteak beste, haur pornografiari lotutako 826 bideo eta 164 argazki artxibo atzeman dizkiete.Auziari lotuta, beste emakume bat atzeman dute Madrilen.
Guardia Zibilak emandako datuen arabera, iazko otsailean hasi zuten ikerketa. Nahi gabe haur pornografia zuen film bat ordenagailura ekarri zutela salatu zuten bi herritarrek. Polizia gertatutakoa ikertzen hasi zen, film hori sarean nork jarri zuen eta zein ordenagailutik egin zuen argitzeko.Hiru ordenagailutatik egin zela ikusi zuten, eta elkarren artean lotura zutela. Horren karietara egin dituzte atxiloketak.
Haur pornografia zabaltzea egotzita, bi gizon atxilo Donostian eta Bilbon
Iruzkinak
Ez dago iruzkinik
Ordenatu
