Nafarroako Gobernuaren Hezkuntza Departamentuak bere webgunean parte hartzera bultzatu bazuen ere, ez Nafarroan ezta Hegoaldeko beste hiru lurraldeetan ere ez du saririk eman Espainiako Defentsa Ministerioak, Cartaaunmilitar.es webgunean jakinarazi duenez.
Aralar-NaBai eta Bilduk Hezkuntza Departamentuaren jarrera kritikatu zuten, "erabat ideologikoa" zelakoan: "Ez dago bideratuta hizkuntza gaitasunak lortzeko, ezta balioen hezkuntzan ezta elkarbizitza baketsuan ere". Lehiaketa Hegoaldeko beste herrialdeetan ere egin zuen Defentsa Ministerioak; BERRIAra Gipuzkoako eskola batera bidalitako gutuna iritsi zen.
Lehiaketak, Militar espainiar bati gutuna izenburupean, "herritar guztien zerbitzura bakearen, segurtasunaren eta giza eskubideen alde" militarrek egiten duten lana azaltzea zuen helburu, eta hori "hobekien" egiten zuten ikasleek iPad bat zuten saritzat.
