Hego Euskal Herriko epaileek ez dute greba egingo otsailaren 18an, atzo iluntzean epaileen batzordeek jakinarazi dutenez.
Hala, ez dute bat egingo Espainiako zenbait eskualde eta herrialdetako (Murtzia, Extremadura eta Zamora) eginiko deialdiarekin. Beren lanerako bitarteko material eta pertsonal gehiago exijitzen dituzte Espainiako epaileek.
Hego Euskal Herriko hiriburuetan nork bere aldetik egin dituzte bilerak herrialde bakoitzeko epaileen batzordeek. Nafarroaren kasuan, greba deialdiarekin bat ez egitea erabaki arren, egun horretarako protesta elkarretaratzean parte hartzea deliberatu zuten. Hala, Iruñeko Justizia jauregi aitzinean protesta egingo dute 13.15ean.
Justizia
Hego Euskal Herriko epaileek ez dute greba egingo otsailaren 18an
Espainiako hainbat epailek deitutako lanuztearekin bat ez egitea erabaki dute epaileen batzordeek. Halere, Nafarroako epaileek protesta elkarretaratzea egingo dute Iruñean.
Iruzkinak
Ez dago iruzkinik
Ordenatu
