Droga trafikoa
Heroinarekin trafikatu dutelakoan bikote bat atxilotu dute Oiartzunen
34 urteko J.A.D.H. eta 36 urteko M.V.B.M. bikotea atxilotu du Ertzaintzak Oiartzunen. Atxilotzerakoan heroina dosi batzuk zituzten eta etxebizitza miatzerakoan heroina kopuru gehiago aurkitu dute. Ertzaintza Oiartzungo Arragua auzoan droga trafikoa handitzen ari zela ohartu zen abuztu bukaeran. Oiartzunen, Errenterian eta Donostian auzo horretako bikote bat mugitzen zirela ikusita, asteazkenean atxilotu zituen Ertzaintzak, dosi bat saldu ondoren.
Bi droga trafikatzaile hauen etxera kontsumitzaile ugari joaten zen droga erostera, eta horrek Ertzaintzaren susmoak piztu zituen. Bikotea merkatalgune bateko aparkaleku batean ere ibili izan da heroina dosiak saltzen, Ertzaintzak azaldu duenez.
Iruzkinak
Ez dago iruzkinik
Ordenatu
