Herri egitasmoak aintzat hartu behar dira, Ezker Anitzaren ustez

Mikel Arana Ezker Anitzaren lehendakarigaiak herritarren parte hartzea sustatzeko neurriak jarri ditu mahai gainean. Parte hartzerako lege bat egin behar dela adierazi du; besteak beste, horren bidez arautu nahi ditu galdeketak eta herri ekimen legegileak. Aranak ohartarazi du ez dela bidezkoa herri ekimen legegileei «berezko izaera» kentzea politikarien artean «konpontxoak» eginda. Politika alorrak gizartean gaur egun daukan ospe txarra kentzeko herritarren parte hartzea ezinbestekoa dela nabarmendu du.