Europako Giza Eskubideen Auzitegiko Areto Nagusiak martxoaren 20an aztertuko du Ines del Rioren auzia, eta Herrira mugimendua harreman dinamika bat garatzen ari da alderdi, sindikatu eta eragile sozialekin.
Harreman dinamika horren barnean, Brian Currinekin bildu da. Herrira mugimenduaren partetik han izan ziren Jon Garai eta Oscar Sanchez.
Gaur Sinn Feineko eurodiputatu Martina Andersonekin bilduko dira. Herrirako ordezkaritzak hedabideen aurreko agerraldia egin du arratsaldean Europako Parlamentuan. Emilie Martinek eta Beñat Zarrabeitiak Herrirak Euskal Herrian bakeari aukera bat emateko garaia dela aldarrikatu dute.
Horrekin batera, espetxe politikaren "aldaketa eta konponbidea" eta bakea gerturatzeko urratsak eskatu dituzte.
