Hamabost bat elkartek Herritarren Kriminalizazioaren Aurkako Plataforma eratu dute, “oinarrizko eskubideen suntsiketari” aurre egiteko. Herritarren Segurtasunerako Legea, Zigor Kodearen erreforma, Prozedura Kriminalaren Legea, Doako Laguntza Juridikoarena eta “protesta zigortzeko helburuz” hartutako beste zenbait neurri aipatu dituzte plataforma osatzeko arrazoien artean.
Neurri horiekin guztiekin, “koska bat estuago” egin nahi du Espainiako Gobernuak “zigorra eta errepresioa gailendu eta kaleak husteko” xedez, plataforma osatzen duten elkarteen hitzetan. “Horregatik, inoiz baino gehiago, antolatuta egiten jarraitu behar dugu eta kalean jarraitu behar dugu”, esan dute.
Martxoan hainbat protestaldi egingo dituzte elkarteok; horien artean garrantzitsuena izango da martxoaren 28an Bilbon egingo duten manifestazioa, 12:00etan Arriaga plazatik abiatuta.
Gizartea
"Herritarren kriminalizazioaren kontra" batu dira hainbat elkarte
Plataforma sortu berriak manifestazioa egingo du Bilbon martxoaren 28an.
Iruzkinak
Ez dago iruzkinik
Ordenatu
