HEZKUNTZARAKO BALIABIDE ESKE

ELA, LAB eta EILAS sindikatuek elkarretaratzea egin zuten atzo, Gasteizko musika kontserbatorioaren aurrean, hezkuntza publikorako baliabide eta bitarteko gehiago eskatzeko. Azken bi lan eskaintza publikoetan postua lortu dutenek funtzionario direla dioen agiria jaso zuten atzo, eta horregatik egin zuten sindikatuek elkarretaratzea. Jaurlaritzak hezkuntza publikoan egindako «murrizketak» salatu zituzten. «Inoiz egin diren handienak izan dira», adierazi zuten.